24.11.09

كــــم هو غريب..!!


كم هو غريب ان ارى الناس يبحثون عن الحب بكل ما يملكون من قوة وانا اهرب منه..


كم هو غريب خوفي الذي لا يفارقني ولم يتركني في حياتي للحظة..


كم هو غريب عقلي الذي يعمل ويعمل لا يتوقف للحظة ليسكن واذا سكن أموت..



هناك 11 تعليقًا:

شاب فقرى يقول...

مفيش سعادة من الهروب من الحب

الحب هييجى فجأة

وفى وقت انتى متوقعاه

وهيحطم كل اسوار مدينتك ويخترقها لحد باب قصرك :)

الخوف مش مطلوب

المهم إيمانك بنفسك

وحبك لذاتك ولاحلامك وإيمانك بأنك هتحققيها

ربما يكون راحهة عقلك فى التفكير :)

خالص احترامى وتحياتى

شاب فقرى

ملحوظة

البوست اللى فات مكانش قصدى انك مش بتحبى مصر او بتكرهيها
انا عايز اوصلك انها برغم انها متهانة برا وجوا فدا بسببنا مش بسببها هى
وعايز افهمك ان مصر اكبر من كل الاهانات دى وهتفضل عظيمة مهما اهانوا وحاولوا

وكمان انا كتبت عن موضوع مصر والجزائر فى مدونتى التانية
تحت عنوان صراع الكرامة والقومية العربية

صباح الورد
شاب فقرى

3mr wa2el يقول...

نصيحة بجد من اخ او صديق او مدون زيك

الخوف بيدمر كل حاجة زى القنبلة النووية

amirelhob يقول...

هو فعلا غريب انك تهربى من الحب بس صدقينى دا بيبقلا خوف من اللى بعد الحب وليس الحب لان الحب امان وطيبه وحنان احساس ساحر يشدك معاه صدقينى لو فى يوم حبيتى او تخافى مش هقولك سلمى نفسك من قلق للحب لكن مش تهدى الحب من الاول عشان الخوف ومن قلبى بشكرك على زيارتك الجميله وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

Just Smile يقول...

شاب فقري كريم :)

مش عارفة بس كده اريح انا بفضل سيطرة العقل على جنون القلب وكده انا مرتاحة ومش عاوزة اي تغيير..اوقات كتير بشك اني ممكن احب وده مش فارق معايا معرفش ده جنان ولا ايه بالظبط ^_^

الخوف مش مطلوب بس الخوف مفروض مش بايدينا السيطرة عليه وانا حاولت وعمري ما قدرت لحد ما تعبت

التفكير ده وجع دماغ وخاصة لما تفكر ف موضوع معين ويسيطر عليك بتبقى مصيبة لدرجة اني مبعرفش انام :)

وبالنسبة للبوست اللي فات عندك حق فعلا احنا السبب هيا مظلومة معانا ليس إلا..

ميرسي لردك منورني

Just Smile يقول...

عمرو وائل

والله بدون متقول انا مظنش حد خبير بالخوف ده قدي ^_^
ودمرني قبل كده كتير وخلاني اتردد بس خلاص انا زهقت منه..

الحمد لله على كل حال

كل سنة وانت طيب

Just Smile يقول...

أمير الحب..

مش عارفة بجد ^_^ يمكن لربما الله اعلم ببكرة..

خلينا احنا ف النهارده بس

منورني وميرسي ليك

amirelhob يقول...

بوصى انا جيت مدونتك مره واتنين وتالته عشان انتى كويسه وعاجبنى تعليقاتك وبوست بتاعك لكن لو هتفضلى كدا بجد ازعل منك يمكن انا مش اعرفك ولا انتى تعرفينى بس بزعل اوى لما القى حد خايف من الحب صدقينى صعب جدا وانا متاكد انك فى يوم هتيجى تقولى انك حبيتى وعيشتى اجمل قصه حب فى الكون ومن قلبى بتمنلك كل خير وسعاده وصحه وتوفيق و فرح وابتسامه تدوم يا رب طول العمر

Just Smile يقول...

امير الحب

لا مش تزعل الموضوع مش مستاهل يزعل حد مني

وانا مش خايفة م الحب بس يستحيل احب اذا كان حبي ده يغضب ربنا عليا طظ ف الحب ده..

مش عارفة بس هوةا ده اللي انا حاساه

منورني كمان مرة

Pink Dreams يقول...

كل سنة وانتى طيبه و يا رب عيد كله سعاده و هنا و طاعة لله تعالى

عيد اضحى سعيد

ranim يقول...

يااااااااااااااه أنا فاتني كتير اوي ومتأخره كمان وانتي أول ما كتبت البوست دخلتي علي طول قرأتيه متزعليش مني يااااقمر البوست حلو عجبني ومليش عليه تعليق معين بس حبيت أقولك أني جيت

Just Smile يقول...

بينك دريمز

وانتي طيبة يا قمر وميرسي ليكي دايما امورة ربنا يسعدك ويهنيكي

ميهمكيش يا رنيم انا عارفة انه غصب عنك وبعدين انتي عارفة انا بحبك قد ايه ومش بعلق غير لاني بيعجبني كتاباتك..استمري يا صغنتوتة